Vedtekter og reglement

Vedtekter for Talgje båtforeining

Vedtekne i konstituerande generalforsamling 18. mai 1999.

Revidert i ekstraordinært årsmøte 16. mars 2007

Revidert i årsmøtet 16. mars 2018

1. Namnet på laget skal vera Talgje Båtforeining. Foreininga har sete i Finnøy kommune.
2. Føremålet med foreininga skal vera å fremja interessa for båtsport, serleg mellom barn og unge, arbeida for gode hamnetilhøve for småbåtar på Talgje og elles ivareta medlemene sine interesser. Medlemskap i foreininga er ope for fastbuande og personar med anna tilknyting til Talgje.
3. Foreininga er sjølveigande.
4. Foreininga skal ha eit styre på fem medlemer: leiar, nestleiar, kasserar, sekretær og tilsynsmann for foreininga sin eigedom. Styret vel seg i mellom tillitsverva. Det skal også veljast to varamedlemer. Når båthamn er etablert, skal styremedlemene veljast mellom dei medlemene som har båtplass i foreininga si hamn.
5. Styret skal utarbeida planar og reglement for båthamna, fellesutstyr og fellesanlegg.
6. Det skal førast styre- og møteprotokoll.
7. Det skal haldast minst to styremøte kvart år, eller så ofte som leiaren eller andre av styremedlemene krev det.
8. Vanleg årsmøte skal haldast innan utgangen av april kvart år. Årsmøtet skal kunngjerast ein månad i førevegen. Ekstraordinært årsmøte skal innkallast når styret eller minst 1/6 av medlemene krev det.
9. Saker som årsmøtet skal handsama:
   1. Årsmelding frå styret.
   2. Rekneskapen skal kontrollerast av eitt av styremedlemene.
   3. Val av styremedlemer for to år om gongen. Valet skal vera skriftleg.
   4. Val av varamedlemer til styret. Valet skal vera skriftleg.
   5. Andre saker.

Står røystetalet likt, skal det vera loddtrekking.

10. Fyrste året går to av styremedlemene ut etter loddtrekking. Seinare går vekselvis to og tre ut annakvart år. Eit styremedlem kan fråseia seg attval når han/ho har site i styret i to år i samanheng.
11. Signaturrett for foreininga har styreleiar saman med eitt av dei andre medlemene i styret.
12. Medlemskontingent vert fastsett av årsmøtet.
13. Kvart medlem som har båtplass har plikt til å utføra førekomande arbeid på anlegget til foreininga, når det vert bestemt av styret. Medlemer kan i staden for å arbeida betala for seg etter retningsliner fastsette av styret. Storleiken av forventa arbeidsinnsats vert fastsett av årsmøtet.
14. Medlemer som vil ta opp saker som vedkjem foreininga, skal venda seg til styret.
15. Desse vedtektene kan endrast ved 2/3 fleirtal i årsmøtet. Framlegg til endring må vera styret i hende innan 1. februar.

Reglement for Gongstø småbåthamn

Vedtekne av styret 07.04.2004. 

Revidert av styret 08.08.2016.
Reglementet trer i kraft frå vedtaksdato.

1 Gongstø småbåthamn er Talgje båtforeining sin eigedom. Medlem som har båtplass eig ein andel i båthamna og har bruksrett til ein anvist båtplass, heretter omtala som andelseigarar. Styret for båtforeininga avgjer korleis båthamna skal nyttast, kor mange båtar som kan liggja der og korleis dei skal plasserast.

2 Andelseigarar som har båtplass i Gongstø småbåthamn må vera betalande medlem av Talgje Båtforeining. Medlemet søkjer styret i båtforeininga om rett til å disponera ein viss meterlengde av bryggje i hamna. Båtplassens bredde blir målt frå senter til senter i uteliggarane. Andelseigar betalar eit innskot for den delen av bryggjelengda som han disponerar etter satsar fastsett av styret. Andelseigar må ta i mot den plassen han vert tilvist. Hamnesjefen har til ei kvar tid rett til å endra på dei tilviste plassane dersom tilhøve tilseier det. Avgjersla kan ankast til styret for båtforeininga. Dersom andelseigar vil disponera ein større del av bryggja må ein søkje styret om dette og det skal betalast eit mellomlegg som vert rekna ut frå den gjeldande prisen pr meter for hhv. å eige eller leige av båtplass. Styret fastset ei årleg årsavgift i tillegg til innskotet. Den årlege årsavgifta skal dekkja felles utgifter til straum, vatn, vedlikehald o.a.

3 Dersom andelseigar ikkje nyttar båtplassen sin skal han gi beskjed til hamnesjefen. Plassen kan etter avtale med fast andelseigar leigast ut til andre på midlertidig basis. Den som får nytta ein slik plass, skal betala leie etter vedtekne reglar. Inntekta frå slik utleige vert fordelt mellom fast andelseigar og båtforeininga etter dei vilkåra som styret fastset. Den som leiger båtplass skal ha ein månads varsel før leigeforholdet blir avslutta. Han har elles dei same rettane og pliktene som fast andelseigar. Andelseigar kan ikkje leiga ut plassen sin direkte til annan person.

4 Dersom andelseigar ynskjer å selge heile eller deler av sin andel, skal dette skje ved skriftleg varsel til styret. Styret avgjer om båtforeininga kan overta og løysa ut andelen etter dei vilkåra som er fastsette. Dette kjem i hovudsak an på om det er kjøpar til andelen.

5 Talgje båtforeining syter for fortøyingsfeste i bryggje. Båteigar har ansvar for det som elles er naudsynt for forsvarleg fortøying. Båtane må fendrast på begge sider, slik at det ikkje oppstår skade. Delar av båten skal ikkje stikka inn over bryggja. Hamnesjefen kan gi pålegg om utskifting/utbetring av fortøyingar som er dårlege. Det må ikkje nyttast flytande tauverk som kan vera sjenerande for andre båtar.

6 All bruk av utstyr som båtforeininga har i hamna skjer på eige ansvar, dersom ikkje skaden kan førast tilbake til grov aktløyse frå båtforeininga si side.

7 Andelseigar kan nytta straumpunkt i hamna til reinhald og periodisk vedlikehald. Fast bruk av straumpunkt skal avtalast med hamnesjefen og kan påleggjast avgift.

8 Ureining av hamna og andre båtar skal ikkje skje.

9 Båtar som ligg i hamna, både faste og midlertidige, skal vera ansvarstrygda.

10 Andelseigar har rett til å nytta plassen sin så lenge kontrakten med båtforeininga er gjeldande.

11 Andelseigar pliktar å utføra dugnadsarbeid i hamna i tråd med vedtektene punkt 13.

12 Styret fører venteliste over medlemer som ved skriftleg melding ynskjer å kjøpa båtplass. Medlemene vert plassert på ventelista etter dato.

13 Det er ikkje lov å nytta båtforeininga sine område for opplag av båtar, joller, hengarar eller anna utstyr. Kortvarig oppbevaring kan avtalast med hamnesjefen. Parkering skal skje på parkeringsplassen på den sørlege moloen og langs fylkesvegen.

14 Båteigar skal retta seg etter hamnesjefen sine påbod og det reglementet som gjeld til ei kvar tid.

15 På ein båtplass kan det berre liggja ein båt. Unntak frå dette må avtalast med hamnesjefen.

16 Båtplassen kan gå i arv frå foreldre til barn og barnebarn. Andre arvetilhøve skal godkjennast av styret. Ein båtplass kan fylgja bruksnummeret dersom andelseigar sel eigedomen sin på Talgje. Styret skal ha informasjon om slike former for eigarskifte i god tid.

17 Ordinære vedlikehaldskostnader i småbåthamna blir fordelt på alle andelseigarar. Oppgraderingar/standardheving som berre gjeld deler av hamna, skal fordelast på dei andelseigarane som får nytte av oppgraderinga.

18 Styret i båtforeininga har rett til å gjera endringar i dette reglementet. Ved endringar skal medlemene orienterast. Elles gjeld dei vedtekne statuttane for Talgje båtforeining.

Reglement for sjøhus med naustboder i Gongstø småbåthamn

1 Om naustbodene, samt definisjonar

Sjøhuset står på Talgje båtforeinings sitt område og består av tre avdelingar i underetasjen samt tre loftsrom. Medlem i båtforeininga som har naustbod eig ein andel i Sjøhuset og har bruksrett til ei anvist bod, heretter omtala som andelseigar. Styret i Talgje båtforeining administrerar Sjøhuset og det er Hamnesjefen som tilviser bod til nye andelseigarar.

Føremålet med bodene er at andelseigarane skal kunne oppbevare ting som naturleg høyrer til bruk av båt og sjøliv generelt.

2 Drift

Ved utbygging er det totalt 21 boder, 18 boder på 3 kvm og 3 boder på 1 kvm. Sjøhuset sin økonomi skal være separat frå økonomien til Gongstø småbåthavn slik at framtidige kostnader knytt til for eksempel kommunale avgifter, vatn og eigedomsskatt vil måtte dekkast av andelseigarane.

Mindre driftskostnader som til dømes lyspærer og batteri til brannvarslarar blir dekka av båtforeininga. Større utbetringar vil dekkast gjennom innbetaling frå andelseigarane. Fordelinga vil skje med utgangspunkt i den enkelte andelseigars areal samt talet på boder totalt, heretter omtala som fordelingsbrøk.

Sjøhuset har same straummålar som båthavna. Det er eitt stikk i kvar av dei tre avdelingane, samt eitt på kvart loft (fleire i møtelokalet). Utanom i møtelokalet skal stikk vere kopla til lysbrytar slik at ein er trygg på at straumen er kopla frå når det ikkje er folk der.

Det er brannslukkingsapparat og røykvarslar i kvar avdeling.

Havnesjefen i Talgje båtforeining er dagleg leiar og oppsynsmann i sjøhusa. Denne rolla blir tildelt eit styremedlem i båtforeininga.

3 Forsikring og skade

Båtforeininga held bygningsforsikring for sjøhuset, med fastmontert inventar. Andelseigar står sjølv ansvarlege for å forsikre dei verdiane ein lagrar i boda.

4 Ordensreglar

Det er berre tillete å oppbevare ting i tildelt bod. Fellesareal og ledige boder kan ikkje nyttast av andelseigarar eller andre.

Drivstoff og gass skal oppbevaras i godkjent behaldar.

5 Kjøp og salg av nautsboder

Styret fastset prisen for ei bod basert på rekneskap pr 1. oktober 2016. Ved utbygging er det gitt fråtrekk for eigeninnsats. Dersom ein andelseigar vil selge si bod og båtforeininga har ein kjøpar skal kjøpesum gå via foreininga, deretter til selgar. Pris vert indeksregulert med utgangspunkt i prisen den 1. oktober 2016.

Når ei bod blir seld for første gong skal kjøpesum delast likt mellom bodinnehavarane ved ferdigstilling. Nye andelseigarer etter 1. august 2016 skal ikkje ha gevinst ved sal av fleire boder. Styret administrerer dette.

Bod utan eigar er felleseige mellom andel men skal stå tomme.

Det er ei føresetnad for å kjøpe naustbod at ein har medlemsskap i Talgje båtforeining, samt at ein disponerar båtplass i Gongstø båthavn.

Ventelister for bodplass er administrert av styret i båtforeininga. Interesserte skal henvende seg skriftleg til styreleiar som administrerer lista sortert etter dato for henvendinga.

Dugnadsarbeid skal skje i tråd med vedtektene i Talgje båtforeinings punkt 13.

6 Loftsrom

Det midtarste loftsrommet tilhøyrer båtforeininga. Dersom det skal investerast i Sjøhuset skal båtforeininga sin andel av investeringskostnadane utgjere 12 kvadratmeter.

Dei to ytterste loftsromma skal byggast ut som boder når det er etterspørsel. Styret avgjer tidspunkt i forhold til etterspørsel.

Volum på nye boder skal vere likt som bodene i 1. etg. Pris skal vere minimum lik, men indeksregulert. Dersom dei nyetablerte bodene blir rimelegare enn dei eksisterande skal mellomlegget fordelast på dei som allereie har boder. Dersom prisen blir høgare blir dette lagt til grunn ved salget.

7 Utleige

Styret fastset pris for utleige av naustboder. Leigetakar skal disponere båtplass i Gongstø båthavn.